ఆది గురువు అమ్మ

ఆది గురువు అమ్మ

డాక్టర్‌ ఎంఎస్‌ చౌదరి, తేజ రెడ్డి, ‘సురభి’ ప్రభావతి, వేమూరి శశి, గోపరాజు విజరు ప్రధాన తారాగణంగా రూపొందుతోన్న చిత్రం ‘ఆది గురువు అమ్మ’. ఇళయరాజా క్రియేషన్స్‌ బ్యానర్‌పై డాక్టర్‌ ఎం.ఎస్‌.చౌదరి దర్శక నిర్మాతగా ఈ సినిమాను రూపొందిస్తున్నారు. ఈ సినిమా ట్రైలర్‌ను ప్రముఖ రచయిత వి.విజయేంద్ర ప్రసాద్‌ విడుదల చేశారు. అనంతరం ఆయన మాట్లాడుతూ.. దైవ సమానులుగా భావించే తల్లిదండ్రుల ప్రేమను వెలకట్టలేం. తల్లి తన వారిపై చూపించే ప్రేమ చాలా గొప్పది. ఆమె తొలి గురువుగా బిడ్డకు అన్నీ తానై నేర్పిస్తుంది. అలాంటి అమ్మపై రూపొందిన చిత్ర ట్రైలర్‌ను విడుదల చేయడం సంతోషంగా ఉంది. ట్రైలర్‌ చాలా బావుంది. అమ్మ ప్రేమలోని గొప్పతనాన్ని చూపించే చిత్రమిది. డాక్టర్‌ ఎం.ఎస్‌.చౌదరిగారు మంచి నటుడు. పలు చిత్రాల్లో నటించారు. ఆయనే ప్రధాన పాత్రలో నటిస్తూ దర్శకత్వం వహిస్తూ నిర్మించిన ఈ సినిమా చాలా పెద్ద విజయాన్ని సాధించాలని కోరుకుంటున్నాను’ అన్నారు.

ఎం.ఎస్‌.చౌదరి మాట్లాడుతూ… అమ్మ గొప్పతనాన్ని తెలియజేసేలా చాలా సినిమాలు వచ్చాయి. అమ్మ గురించి ఎంత చెప్పినా తక్కువే. ఆమె ప్రేమ గొప్పతనాన్ని తెలియజేసేలా రూపొందించిన సినిమా ఇది. ప్రస్తుతం సినిమా పోస్ట్‌ ప్రొడక్షన్‌ కార్యక్రమాలు జరుగుతున్నాయి. ట్రైలర్‌ను విడుదల చేసిన విజయేంద్ర ప్రసాద్‌గారికి థ్యాంక్స్‌. త్వరలోనే సినిమా విడుదల తేదీని ప్రకటిస్తాం’ అన్నారు. సంగీతం: విక్రమ్‌.ఎం, శ్రీకాంత్‌-రమణ, ఎడిటింగ్‌: పాశం వెంకటేశ్వరరావు, పాటలు: డా.ఎం.ఎస్‌.చౌదరి.

Send a Comment

Your email address will not be published.